Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
<<Cic. Luc. 30 | Cic. Luc. 32 () | >>Cic. Luc. 34 |
31ad rerum
igitur scientiam vitaeque constantiam aptissima cum
sit mens hominis amplectitur maxime cognitionem et
istam κατάλημψιν , [Note] quam ut dixi verbum e verbo exprimentes conprensionem dicemus , cum ipsam per se
amat (nihil enim est ei veritatis luce dulcius ) tum
etiam propter usum . quocirca et sensibus utitur et
artes efficit quasi sensus alteros et usque eo philosophiam ipsam corroborat ut virtutem efficiat , ex qua
-- -- Nec vero satis constituere possum quod sit eorum
consilium aut quid velint . interdum enim cum adhibemus ad eos orationem eius modi , si ea quae
disputentur vera sint tum omnia fore incerta , respondent : 'quid ergo istud ad nos ? num nostra culpa
est ? naturam accusa , quae in profundo veritatem ut
ait Democritus penitus abstruserit '. [Note] alii autem elegantius , qui etiam queruntur quod eos insimulemus
omnia incerta dicere , quantumque intersit inter incertum et id quod percipi non possit docere conantur
eaque distinguere . Cum his igitur agamus , qui haec
distingunt , illos , qui omnia sic incerta dicunt ut
stellarum numerus par an impar sit , quasi desperatos
aliquos relinquamus . Volunt enim (et hoc quidem
vel maxime vos animadvertebam moveri ) probabile
aliquid esse et quasi veri [Note] simile , [Note] eaque se uti regula
et in agenda vita et in quaerendo ac disserendo .
ch. 11
Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
<<Cic. Luc. 30 | Cic. Luc. 32 () | >>Cic. Luc. 34 |